ضلعی انتظامیہ دیر پائین: تیمرگرہ کے مختلف بازاروں کا معائنہ، صفائی، اشیائے خوردونوش کے معیار اور سرکاری نرخوں کی جانچ پڑتال

ڈپٹی کمشنر دیر پائین جناب بشارت احمد کی ہدایات اور ایڈیشنل ڈپٹی کمشنر (جنرل) دیر پائین کی نگرانی میں آج تحصیلدار تیمرگرہ نے تحصیل تیمرگرہ کے مختلف بازاروں کا معائنہ کیا۔

معائنے کے دوران دکانوں میں صفائی ستھرائی کی صورتحال، اشیائے خوردونوش کی میعادِ استعمال، مصنوعات کے وزن، حفظانِ صحت کے اصولوں اور روٹی کے مقررہ نرخوں اور وزن کی جانچ پڑتال کی گئی۔

اس موقع پر دکانداروں کو ہدایت کی گئی کہ وہ دکانوں میں صفائی کا مناسب انتظام یقینی بنائیں، اشیائے خوردونوش کے معیار اور وزن میں مقررہ ضوابط کی پابندی کریں اور روٹی سمیت تمام اشیاء سرکاری نرخنامے کے مطابق فروخت کریں۔

ضلعی انتظامیہ دیر پائین نے واضح کیا کہ عوام کو معیاری اشیاء کی مناسب نرخوں پر فراہمی اور حفظانِ صحت کے اصولوں پر عمل درآمد یقینی بنانے کے لیے بازاروں کے معائنے جاری رہیں گے۔

ضلعی انتظامیہ دیر پائین — عوامی خدمت، شفافیت اور معیاری سہولیات کے لیے پُرعزم۔