
لیبیا میں غیر قانونی تارکین وطن کو لے جانے والی کشتی ڈوب گئی جس کے نتیجے میں 86 افراد میں سے 61 افراد ہلاک ہو گئے۔
غیر ملکی میڈیا کے مطابق 61 لاپتہ افراد کو مردہ قرار دے دیا گیا ہے اور حکام نے کشتی میں سوار 86 افراد میں سے 25 کو بچا لیا ہے جنہیں حراستی مرکز منتقل کر کے طبی امداد دی جا رہی ہے۔
اقوام متحدہ کے مائیگریشن ایجنسی کا کہنا ہے کہ کشتی پر سوار افراد کا تعلق نائیجیریا، گیمبیا اور دیگر افریقی ممالک سے تھا۔
خبر رساں ادارے کی رپورٹ کے مطابق لیبیا کے شمال مغربی ساحل سے روانہ ہونے والی بدقسمت کشتی میں سوار افراد میں بچے اور خواتین بھی شامل تھیں۔