اسلام آباد: صدر مملکت ڈاکٹر عارف علوی نے کہا ہے کہ پاکستان اپنی قومی سلامتی اور علاقائی سالمیت پر کوئی سمجھوتہ نہیں کرے گا۔
پاکستان دوسرے ممالک سے بھی توقع رکھتا ہے کہ وہ بین الاقوامی قوانین کی خلاف ورزی نہیں کریں گے۔
پاکستان میں ایران کی کارروائی پر انہوں نے کہا ہے کہ پاکستان اپنی قومی سلامتی اور علاقائی سالمیت پر کوئی سمجھوتہ نہیں کرے گا، پاکستان اپنی سرزمین کے تحفظ کے لیے تمام ضروری اقدامات کرے گا۔
صدر مملکت نے ایرانی شہریوں کو جان و مال کے نقصان سے بچانے کے ساتھ ساتھ دہشت گردوں کے ٹھکانوں کو نشانہ بنانے میں مسلح افواج کی پیشہ وارانہ مہارت کی تعریف کی اور کہا کہ دہشت گردی ایک مشترکہ چیلنج ہے
جس کے خاتمے کے لیے عالمی کوششوں کی ضرورت ہے۔
انہوں نے کہا کہ پاکستان تمام ممالک کی خود مختاری اور علاقائی سالمیت کا مکمل احترام کرتا ہے۔
اسے باہمی مشاورت سے حل کرنے کی ضرورت ہے۔