صوبائی حکومت خیبرپختونخوا کے احکامات اور ڈپٹی کمشنر لکی مروت کی ہدایت پر اسسٹنٹ کمشنر تحصیل غزنی خیل اکرام اللہ خان نے غزنی خیل اور درہ پیزو بازاروں میں قائم پرائس مانیٹرنگ ڈیسک کے دورے کئے۔ جہاں سرکاری نرخوں کے مطابق عوام الناس کو اشیائے خوردونوش کی فراہمی یقینی بنائی جا رہی ہے۔اس موقع پر متعلقہ حکام اور تاجر برادری سے ملاقات کے دوران سرکاری نرخ نامہ پر مکمل اور سختی سے عمل درآمد یقینی بنانے،اشیائے خوردونوش کی صفائی اور معیارِ صحت کو برقرار رکھنے،صبح اور شام کے اوقات میں ٹریفک کی روانی کو یقینی بنانے کے لیے مؤثر انتظامات کرنے کے ہدایات جاری کیں۔انہوں نے واضح کیاکہ حکومتی ہدایات کی خلاف ورزی کی صورت میں متعلقہ قوانین کے تحت سخت کارروائی عمل میں لائی جائے گی۔