سوات، خوازہ خیلہ کے علاقے ٹیٹابٹ میں گیراج میں آتشزدگی، موٹر کار جل کر راکھ

سوات (بیورو رپورٹ) تحصیل خوازہ خیلہ کے علاقے ٹیٹابٹ میں نامعلوم وجوہات کی بنا پر گیراج میں کھڑی موٹر کار میں اچانک آگ بھڑک اٹھی۔ اطلاع ملتے ہی ریسکیو 1122 سوات کی فائر فائٹرز ٹیم جائے وقوعہ پر پہنچ گئی اور بروقت کارروائی کرتے ہوئے آگ پر قابو پا لیا۔ آگ بجھانے کے بعد کولنگ کا عمل بھی مکمل کر لیا گیا۔ دوسری جانب خوازہ خیلہ پولیس نے ابتدائی رپورٹ درج کرکے واقعے کی تحقیقات شروع کر دی ہیں۔