سوات: ایڈیشنل اسسٹنٹ کمشنر کا سوات جیل کادورہ، 36 ملزمان رہاکردئے

سوات (بیورو رپورٹ) ایڈیشنل اسسٹنٹ کمشنر دوم بابوزئی بریخنا حبیب نے ڈسٹرکٹ جیل سیدو شریف کا دورہ کیا اور قیدیوں کو فراہم کی جانے والی سہولیات کا جائزہ لیا۔ دورے کے دوران انہوں نے جیل کے مختلف حصوں کا معائنہ کیا اور قیدیوں کے لیے خوراک، صحت و صفائی، بنیادی ضروریات اور مجموعی انتظامات کا جائزہ لیا۔ اس موقع پر انہوں نے جیل انتظامیہ کو ہدایت کی کہ قیدیوں کے انسانی حقوق کا مکمل خیال رکھا جائے اور انہیں بنیادی سہولیات کی فراہمی میں کسی قسم کی کوتاہی نہ برتی جائے۔ دورے کے دوران معمولی نوعیت کے جرائم میں قید 36 ملزمان کی رہائی کے احکامات بھی جاری کیے گئے۔