عوامی شکایات پر چکدرہ بازار میں پیشہ ور گداگروں کے خلاف کارروائی، پانچ افراد گرفتار
دیر پائین: عوامی شکایات کا بروقت ازالہ اور شہریوں کو درپیش مسائل کے حل کے سلسلے میں ضلعی انتظامیہ دیر پائین اور محکمہ سماجی بہبود کی جانب سے چکدرہ بازار میں پیشہ ور گداگروں کے خلاف کارروائی کی گئی۔
ڈپٹی کمشنر دیر پائین جناب بشارت احمد کی ہدایات پر اسسٹنٹ کمشنر کی نگرانی میں محکمہ سماجی بہبود کے عملے نے چکدرہ بازار میں کارروائی کرتے ہوئے پانچ پیشہ ور گداگروں کو گرفتار کر لیا۔
کارروائی کا مقصد عوامی مقامات اور بازاروں میں پیشہ ورانہ گداگری کی روک تھام اور شہریوں کو اس حوالے سے درپیش شکایات کا ازالہ کرنا ہے۔
اس موقع پر متعلقہ عملے کو ہدایت کی گئی کہ پیشہ ور گداگری کے خلاف کارروائیاں مزید مؤثر اور تسلسل کے ساتھ جاری رکھی جائیں اور عوامی شکایات پر فوری کارروائی کو یقینی بنایا جائے۔
ضلعی انتظامیہ نے واضح کیا کہ عوامی سہولت، شہریوں کے مسائل کے بروقت حل اور معاشرتی برائیوں کی روک تھام کے لیے متعلقہ اداروں کے تعاون سے اقدامات کا سلسلہ جاری رہے گا۔
