موسمی صورتحال کے پیش نظر ریسکیو 1122 سوات ہائی الرٹ

سوات (بیورورپورٹ) موجودہ موسمی صورتحال کے پیش نظر ریسکیو 1122 سوات کے تمام اسٹیشنز کو ہائی الرٹ کردیا گیا ہے۔ ڈسٹرکٹ ایمرجنسی آفیسر سید شعیب منصور کی ہدایات پر تمام ریسکیو اہلکاروں، ایمرجنسی ٹیموں اور مشینری کو کسی بھی ہنگامی صورتحال سے فوری نمٹنے کے لیے مکمل طور پر تیار رہنے کی ہدایات جاری کی گئی ہیں۔ ریسکیو 1122 کی جانب سے شہریوں سے دریاؤں، ندی نالوں اور دیگر خطرناک مقامات کے قریب جانے سے گریز کرنے کی اپیل کی گئی ہے، جبکہ کسی بھی ہنگامی صورتحال میں ریسکیو 1122 کی ہیلپ لائن پر رابطہ کرنے کی ہدایت کی گئی ہے۔