مینگورہ میں مزدوری کا جھانسہ دے کر کم عمر بچے سے بدفعلی، ملزم گرفتار

سوات (بیورورپورٹ)مینگورہ میں تھانہ بنڑ پولیس نے مزدوری کا جھانسہ دے کر کم عمر بچے کو ہوٹل میں بدفعلی کا نشانہ بنانے کے الزام میں ملزم سلمان محمود کو گرفتار کرلیا۔ ایس ایچ او تھانہ بنڑ سرباز خان کے مطابق گزشتہ روز متاثرہ بچے کی جانب سے واقعے کی رپورٹ درج کرائی گئی تھی، جس پر ڈی پی او سوات محمد عمر خان کے نوٹس پر ایس ایچ او تھانہ بنڑ سرباز خان نے پولیس ٹیم کے ہمراہ کارروائی کرتے ہوئے ملزم کو گرفتار کیا۔ پولیس کا کہنا ہے کہ ملزم نے بچے کو مزدوری کا جھانسہ دے کر اپنے پاس بلایا اور بعد ازاں ہوٹل میں کمرہ لے کر اسے مبینہ زیادتی کا نشانہ بنایا جبکہ کسی کو واقعے کے بارے میں بتانے پر جان سے مارنے کی دھمکیاں بھی دیں۔
۔۔۔۔