امریکی قومی سلامتی کے ترجمان جیک سلیوان نے کہا ہے کہ انہوں نے اسرائیل پر واضح کر دیا ہے
کہ ہم غزہ کے ہسپتالوں میں آگ اور خون کا کھیل نہیں دیکھنا چاہتے۔
ٹی وی پروگرام میں بات کرتے ہوئے امریکی قومی سلامتی کے ترجمان نے کہا کہ امریکہ نے اسرائیلی فورسز پر واضح کر دیا ہے کہ وہ غزہ کے ہسپتالوں کے اندر آتشیں اسلحے کے استعمال سے گریز کریں جس سے شہریوں کی زندگیوں کو خطرہ لاحق ہو سکتا ہے۔ جیک سلیوان نے مزید کہا ہے کہ ہم نے اسرائیل کو واضح پیغام دیا ہے کہ امریکہ غزہ کے ہسپتالوں میں زیر علاج معصوم شہریوں اور مریضوں کو گولیوں کا نشانہ بنتے نہیں دیکھنا چاہتا۔ مسئلہ یہ ہے کہ رفا کراسنگ کبھی کھلی رہتی ہے اور کبھی بند۔ انہوں نے کہا ہے کہ اسی طرح بعض اوقات امریکیوں کے نام تارکین وطن کی فہرست میں شامل ہوتے ہیں اور کبھی نہیں، تاہم صورتحال کچھ بھی ہو تمام امریکیوں کا انخلا یقینی بنایا جائے گا۔