دشمن نے اشتعال دلایا تو شمالی کوریا ایٹمی حملہ کر دے گا! شمالی کوریا کے رہنما کم جونگ ان نے ایک بار پھر ایٹمی حملے کی دھمکی دی ہے۔
شمالی کوریا کے رہنما کم جونگ ان نے ایک بیان میں کہا ہے کہ اگر دشمن نے ہمیں جوہری ہتھیاروں کی دھمکی دی تو ہم خود ایٹمی حملہ کریں گے۔
کم جونگ ان کا مزید کہنا تھا کہ شمالی کوریا کے میزائل تجربات افواج کے عزم کا پیغام اور دشمنوں کے لیے وارننگ ہیں۔
اگر دشمن نے ہمیں ایٹمی ہتھیاروں سے اکسانے کی کوشش کی تو ہم خود ایٹمی حملہ کریں گے۔ ہماری افواج ہر امکان کے لیے تیار ہیں۔
اس ہفتے کے اوائل میں شمالی کوریا کی جانب سے ایک میزائل تجربہ بھی کیا گیا تھا جس کی امریکا، جاپان اور جنوبی کوریا نے مذمت کی تھی۔
شمالی کوریا کو جوہری ہتھیاروں کی پالیسی کی وجہ سے بین الاقوامی پابندیوں کا سامنا ہے۔