کراچی: شاہین آفریدی جلد وکٹیں نہ ملنے پر پچھتانے لگے، کپتان کا کہنا ہے کہ سوئنگ کے لیے پہلے بولنگ کا فیصلہ کیا لیکن فائدہ نہ اٹھا سکے، ہمیں پہلے 19 اوورز میں مشکلات کا سامنا کرنا پڑا، حارث رؤف اور عباس آفریدی نے اچھی بولنگ کی۔
تفصیلات کے مطابق پاکستان کو دوسرے ٹی ٹوئنٹی میچ میں بھی نیوزی لینڈ کے ہاتھوں شکست کا سامنا کرنا پڑا۔
پہلے میچ کی طرح پاکستان ٹیم نے ٹاس جیت کر پہلے گیند بازی کا فیصلہ کیا۔
اس حوالے سے کپتان شاہین شاہ آفریدی کا کہنا ہے کہ پہلے بولنگ کا مقصد سوئنگ تھا لیکن ہم شروع میں فائدہ نہ اٹھا سکے۔
اگر ہم کچھ وکٹیں لے لیتے تو ہم ٹوٹل کو 180-170 تک محدود کر سکتے تھے لیکن شروعات اس طرح نہیں تھی جس طرح ہم چاہتے تھے، میرے خیال میں ہم نے آخری 10 اوورز میں اچھی بولنگ کی لیکن ہم نے پہلے 10 اوورز میں مشکلات کا سامنا کیا۔ حارث رؤف اور عباس آفریدی نے اچھی بولنگ کی۔
نیوزی لینڈ کے قائم مقام کپتان ٹم ساؤتھی نے کہا کہ کھلاڑیوں نے بلے سے اچھی کارکردگی کا مظاہرہ کیا لیکن پاکستان نے بھی کھیل میں واپسی کی۔
دونوں اننگز میں صورتحال تقریباً ایک جیسی رہی، وکٹیں گرتی رہیں، ٹاپ آرڈر نے اچھی کارکردگی دکھائی لیکن ہمیں مضبوط بنیاد بنانا ہوگی، ایش سوڈھی نے گزشتہ چند میچوں کے دوران 2 وکٹیں لینے کے ساتھ اہم کیچز بھی لیے۔