محلہ امین آباد، یونین کونسل بالو، تحصیل پبی کے مکینوں نے بجلی کے سنگین مسائل پر شدید تشویش کا اظہار کرتے ہوئے واپڈا حکام اور ضلعی انتظامیہ سے فوری اقدامات کا مطالبہ کیا ہے۔ اہلِ علاقہ کے مطابق محلے میں بجلی کا پول عرصہ دراز سے زمین پر پڑا ہے جبکہ بجلی کی تاریں اور میٹر غیر محفوظ حالت میں ہیں، جس کے باعث کسی بھی وقت کوئی ناخوشگوار واقعہ پیش آ سکتا ہے۔
مکینوں کا کہنا ہے کہ متعدد بار شکایات کے باوجود مسئلہ حل نہیں کیا گیا۔ انہوں نے متعلقہ حکام سے مطالبہ کیا ہے کہ فوری طور پر بجلی کا پول نصب کر کے تاروں اور میٹروں کو درست کیا جائے تاکہ کسی ممکنہ حادثے سے بچا جا سکے۔
علاقہ مکینوں نے مزید کہا کہ بڑھتے ہوئے لوڈ اور لوڈ مینجمنٹ کے پیشِ نظر 50 کے وی کا دوسرا ٹرانسفارمر بھی نصب کیا جائے تاکہ بجلی کی مسلسل فراہمی یقینی بنائی جا سکے اور علاقے کے عوام کو درپیش مشکلات کا ازالہ ہو سکے۔