ڈی ایچ کیو ہسپتال دیر میں ڈاکٹرز کے تحفظ اور سکیورٹی کے حوالے سے اہم پیش رفت

دیر(بیورو رپورٹ)
ڈپٹی کمشنر دیر بالا دلنواز خان وزیر کی ہدایات پر ایڈیشنل ڈپٹی کمشنر ڈاکٹر صادق علی اور ایڈیشنل اسسٹنٹ کمشنر ریونیو شاہ نوید نے ڈی ایچ کیو ہسپتال دیر بالا کا دورہ کیا، جہاں گزشتہ شب پیش آنے والے واقعے کے تناظر میں ڈاکٹرز اور ہسپتال انتظامیہ کے ساتھ اجلاس منعقد کیا گیا۔
اجلاس میں ڈاکٹرز کے تحفظات سنے گئے اور ہسپتال میں سکیورٹی کے مؤثر انتظامات سمیت طبی عملے کے تحفظ کو یقینی بنانے کے لیے اقدامات پر تبادلہ خیال کیا گیا۔

انتظامیہ کی جانب سے واقعے میں ملوث افراد کے خلاف قانون کے مطابق کارروائی کی یقین دہانی کے بعد ڈاکٹرز نے احتجاج ختم کر دیا اور ہسپتال میں طبی خدمات بحال ہو گئیں۔
ضلعی انتظامیہ عوام کو بلا تعطل طبی سہولیات کی فراہمی اور طبی عملے کے تحفظ کو یقینی بنانے کے لیے اقدامات جاری رکھے ہوئے ہے۔بعدازاں دیر کے عمائدین کا ایک وفد بھی قائمقام ایم ایس ڈاکٹر امتیاز آحمد کے ساتھ ایم ایس افس میں ملاقات کی اور معاملے کو خوش اسلوبی اور قانونی تقاضوں کے ساتھ ساتھ علاقائی روایت کو برقرار رکھتے ہوئے مطالبہ کیا کہ ہم مزکورہ واقعہ پر معذرت خواہ ہے ۔ اور ڈاکٹروں سے معذرت کرتے ہیں کیونکہ ڈاکٹرز بھی ہمارے مہمان ہے اور انکے ساتھ واقعات نہیں ہونا چاہئے۔ وفد میں صاحبزادہ ولی اللہ , اسماعیل خان, ظفرعلی سمیت دیگر بھی شامل تھے۔ وفد نے ڈاکٹروں کے ساتھ بھی اظہاربمدردی کا اظہار کیا۔ ڈاکٹر امتیاز اؔحمد نے وفد کو بتایا کہ کہ وہ ڈاکٹرز کولیکس کے ساتھ مشاورت کرکے کچھ بتانے کی پوزیشن میں ہونگے کیونکہ ایم ایس ڈاکٹر خالد بھی پشاور میں سرکاری کام کے غرض سے موجود ہے۔