علامہ اقبال اوپن یونیورسٹی کا کانوکیشن کے لئے رجسٹریشن میں توسیع

Spread the love

علامہ اقبال اوپن یونیورسٹی نے کانوکیشن کے لئے رجسٹریشن کی آخری تاریخ میں 5جنوری تک توسیع کردی

طلبہ کے پرزور اصرار پر وائس چانسلر نے تاریخ میں توسیع کی منظوری دے دی ہے

علامہ اقبال اوپن یونیورسٹی کے وائس چانسلر، پروفیسر ڈاکٹر ناصر محمود نے طلبہ کے پرزور اصرار پر 31جنوری، 2024ء کو منعقد ہونے والے کانوکیشن میں شرکت کے لئے رجسٹریشن کی آخری تاریخ میں 5۔جنوری تک توسیع کی منظوری دے دی ہے۔

سمسٹر خزاں 2004تا سمسٹر بہار 2022ء کے بی ایڈ پروگرامز کے 75فیصدنمبرات حاصل کرنے والے گریجویٹس، باقی تمام ڈگری پروگرامز کے70فیصد نمبرز حاصل کرنے والے گریجویٹس جبکہ ایم فل اور پی ایچ ڈی کے تمام گریجویٹس کانوکیشن میں شرکت کے لئے رجسٹریشن کے اہل ہیں۔

اہلیت پر پورا اترنے والے طلبہ کانووکیشن میں شرکت کے لئے http://convocation.aiou.edu.pk لنک پر 5۔جنوری، 2024ء تک اپنے آپ کو رجسٹر کرسکتے ہیں۔

مذکورہ لنک پر تمام تفصیلات و شرائط دستیاب ہیں۔
یاد رہے کہ جلسہ تقسیم اسناد 31جنوری، 2024کو سلام آباد کے جناح کنونشن سینٹرمیں منعقدہوگا، یونیورسٹی کے چانسلر،صدر اسلامی جمہوریہ پاکستان، ڈاکٹر عارف علوی تقریب کے مہمان خصوصی ہوں گے۔

یونیورسٹی کے وائس چانسلر، پروفیسر ڈاکٹر ناصر محمود تقریب میں میزبانی کے فرائض انجام دیں گے۔اس تقریب میں وفاقی وزرا، سیکرٹریز، وزارت تعلیم اور ہائر ایجوکیشن کمیشن کے اعلیٰ عہدیداران، مختلف جامعات کے وائس چانسلرز، ریکٹرز، یونیورسٹی کے چاروں ڈین، پروفیسرز، پرنسپل افسران و فیکلٹی ممبران، طلباء و طالبات کے علاوہ ملک کے نامور صحافی اور سماجی شخصیات شریک ہوں گے۔

یونیورسٹی نے تمام صوبائی دارالحکومتوں(کراچی، لاہور، کوئٹہ اور پشاور)کے علاوہ مظفر آباد میں بھی وہاں کے مقامی طلبہ کے لئے جلسہ تقسیم اسناد کے انعقاد کی تیاریاں مکمل کرلی ہیں۔اسلام آباد، گلگت بلتستان اور راولپنڈی ڈویژن(اٹک، چکلالہ، جہلم اور راولپنڈی)کے طلبہ اسلام آباد کے جناح کنوینشن سینٹر میں 31جنوری کے جلسہ تقسیم اسناد میں شرکت کریں گے۔

کراچی چیپٹر کا کانووکیشن 3مارچ، 2024ء کو ہوگا، لاہورمیں 28مارچ، کوئٹہ میں 19مئی جبکہ پشاور اور مظفرآباد چیپٹر کے کانووکیشنز باالترتیب 9جون اور 30جون، 2024کو منعقد ہوں گے۔واضح رہے کہ پی ایچ ڈی پروگرامز کے فارغ التحصیل تمام طلبہ اسلام آباد چیٹر کے کانووکیشن کے لئے رجسٹریشن کریں گے جبکہ ایم فل پروگرامز کے طلبہ کو گولڈ میڈلز اور ڈگریاں اُن کے دارالحکومتوں میں منعقدہ کانووکیشنز میں دی جائیں گی۔

طلبہ کانووکیشن کے بارے میں مزید تفصیلات convocation@aiou.edu.pkیا فون نمبر 9571717-051پر حاصل کرسکتے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button