بونیر میں کروڑوں روپے کی تمباکو خراب ہونے کا خدشہ، کاشتکاروں کے حقوق پر سمجھوتہ نہیں کریں گے: تمباکو ایکشن کمیٹی
بونیر (بیورو چیف اے ار عابد)
تمباکو ایکشن کمیٹی کے صدر حسن سردار ۔نایب صدر ریاض خان ۔اور دیگر ممبران عزیز خان اور عطاء اللہ نے کہا ہے کہ انجمن کاشتکاران بونیر تمباکو زمینداروں کی نمایندہ نہیں ہے ۔بلکہ پیٹی سی کمپنی کے ایجنٹ ہے۔جنہوں نے ہمیشہ زمینداروں کی بجاے کمپنی اور اپنے مفادات کے لئے کام کیا ہے۔اگر بونیر سے پی ٹی سی کمپنی جارہی ہے تو جاے ہم اصولوں پر سودا بازی نہیں کریں گے۔بونیر ایکشن کمیٹی ڈپٹی کمشنر بونیر اور اے اے سی گاگرہ کے فیصلوں کی مکمل حمایت کرتے ہیں
ان خیالات کا اظہار انہوں نے بونیر پریس کلب میں ایک ہنگامی پریس کانفرنس سے خطاب کرتے ہوئے کیا ۔انہوں نےکہا کہ اس وقت بونیر کے سینکڑوں زمینداروں کے پاس کروڑوں روپوں کی تمباکو خراب ہورہی ہے ۔مگر انجمن کاشتکاران نامی تنظیم اور پی ٹی سی کمپنی اسکے زمہ دار ہے۔اس نام نہاد تنظیم نے پی ٹی سی سے مراعات لیکر زمینداروں کا استحصال کیا ہے ۔انہوں نے عہد کیاکہ ہم زمینداروں کے حقوقِ پر سودا بازی نہیں کریں گے۔اور اپنے حقوق کے لیے کمشنر ملاکنڈ سمیت ہر فورم پر اواز اٹھائیں گے ۔انہوں نے گورنر راج کی بھرپور حمایت کرتے ہوے کہا کہ پہلی مرتبہ ڈپی کمشنر بونیر نے زمینداروں کے مسائل ترجیحی بنیادوں پر حل کرنے کی کوشش کی ہے ۔