پاکستان

دروش بازار میں پیشہ ور بھکاریوں کے خلاف لوئر چترال پولیس کا کریک ڈاؤن، متعدد افراد ضلع بدر

نومبر 21, 2026 • Press Release

ضلع لوئر چترال میں پیشہ ورانہ گداگری اور عوام کو درپیش مشکلات کے پیش نظر لوئر چترال پولیس کی جانب سے کارروائیاں جاری ہیں۔

ڈسٹرکٹ پولیس آفیسر لوئر چترال محمد خالد خان کی ہدایات پر ایس۔ایچ۔او تھانہ دروش نے پولیس ٹیم کے ہمراہ بازار اور مختلف مقامات پر کریک ڈاؤن کرتے ہوئے پیشہ ور بھکاریوں کو تحویل میں لیا، جنہیں ضروری قانونی کارروائی کے بعد ان کے آبائی علاقوں کو واپس روانہ کر دیا گیا۔

لوئر چترال پولیس کی جانب سے پیشہ ور بھکاریوں کے خلاف یہ کریک ڈاؤن عوامی شکایات کے ازالے، بازاروں میں شہریوں کو درپیش مشکلات کے خاتمے اور عوامی سہولت کو یقینی بنانے کے لیے جاری ہے۔

پولیس نے واضح کیا ہے کہ ضلع بھر میں پیشہ ورانہ گداگری کے خلاف کارروائیاں مزید مؤثر انداز میں جاری رہیں گی۔