پاکستان

جنگلات کے تحفظ اور غیر قانونی کٹائی کی روک تھام کے لیے اقدامات، مقامی مشران سے مذاکرات اور شجرکاری مہم

نومبر 21, 2026 • Press Release

ڈپٹی کمشنر دیر پائین جناب بشارت احمد کی ہدایات کی روشنی میں ایڈیشنل اسسٹنٹ کمشنر تیمرگرہ جناب ضیار خان نے ہمراہ ڈویژنل فارسٹ آفیسر جناب شبیر جان اور ایس ڈی ایف او، رباط ڈنڈہ کا دورہ کیا۔

دورے کے دوران مقامی کمیونٹی اور علاقہ مشران کے ساتھ جنگلات کی غیر قانونی کٹائی کی روک تھام اور تحفظِ جنگلات کے حوالے سے مذاکرات کیے گئے۔ اس موقع پر علاقہ مشران نے ضلعی انتظامیہ اور محکمہ جنگلات کے ساتھ بھرپور تعاون کی یقین دہانی کرائی اور جنگلات کے تحفظ کے لیے مشترکہ اقدامات پر اتفاق کیا۔

بعد ازاں ایڈیشنل اسسٹنٹ کمشنر اور ڈویژنل فارسٹ آفیسر نے علاقے میں پودے لگا کر شجرکاری مہم میں بھی حصہ لیا اور جنگلات کے تحفظ و فروغ کی اہمیت پر زور دیا۔