پاکستان

عوامی شکایات پر لوئر چترال پولیس کا فوری ایکشن، پیشہ ور بھکاریوں کو ضلع بدر کر دیا گیا

نومبر 20, 2026 • Press Release

عوامی شکایات کا فوری نوٹس لیتے ہوئے ڈسٹرکٹ پولیس آفیسر لوئر چترال محمد خالد خان نے پیشہ ور بھکاریوں کے خلاف کارروائی کی ہدایت کی۔ جس پر ایس۔ایچ۔او تھانہ سٹی چترال SI بلبل حسن نے اپنی ٹیم کے ہمراہ بازار اور دیگر مقامات سے پیشہ ور بھکاریوں کو تحویل میں لے کر گاڑی کے ذریعے ان کے آبائی علاقوں کو واپس بھیج دیا ۔

اس کارروائی کا مقصد بازاروں اور عوامی مقامات پر پیشہ ورانہ گداگری کی حوصلہ شکنی، شہریوں کو درپیش مشکلات کا ازالہ اور عوامی سہولت کو یقینی بنانا ہے۔

لوئر چترال پولیس عوامی شکایات کے ازالے اور شہریوں کو بہتر ماحول فراہم کرنے کے لیے عملی اقدامات جاری رکھے ہوئے ہے۔

لوئر چترال پولیس عوام سے اپیل کرتی ہے پیشہ وار بھکاریوں کی موجودگی کی بروقت اطلاع مقامی پولیس کو دیں۔