ہاتھ سے لکھنا دماغی فعالیت کیلئے زیادہ بہتر ہے، تحقیق

اوسلو: کمپیوٹر یا فون پر ٹائپ کرنا ہاتھ سے لکھنے سے زیادہ تیز ہوسکتا ہے لیکن ماہرین کا خیال ہے کہ یہ دماغ کے لیے کم محرک ہے۔

میڈیا رپورٹس کے مطابق جرنل فرنٹیئرز ان سائیکالوجی میں شائع ہونے والی ایک تحقیق میں بتایا گیا ہے کہ ٹائپنگ کے مقابلے لکھنا دماغی کام کرنے کے لیے بہتر ہے۔

نارویجن یونیورسٹی آف سائنس اینڈ ٹیکنالوجی (NTNU) کے محققین نے یونیورسٹی کے طلباء پر تجربات کیے جہاں انہوں نے ٹائپنگ اور ہینڈ رائٹنگ کے دوران شرکاء کی دماغی سرگرمی کو ریکارڈ کیا۔ محققین نے پایا کہ لکھاوٹ سیکھنے اور یادداشت کو بہتر بناتی ہے۔

مطالعہ کے شریک مصنف اور یونیورسٹی میں نیورو سائیکالوجی کے پروفیسر آڈرے وانڈر میئر نے کہا، "مطالعہ کے نتائج میں ہماری بنیادی تلاش یہ تھی کہ ہاتھ کی لکھائی تقریباً پورے دماغ کو متحرک کرتی ہے، جب کہ ٹائپنگ، جو دماغ کو اس سطح پر متحرک نہیں کرتی ہے۔”

تحقیق میں یہ بھی معلوم ہوا کہ ہاتھ کی لکھائی دماغ کے بصری، حسی اور موٹر ایریاز کے درمیان روابط پیدا کرتی ہے، جب کہ ٹائپنگ دماغ کو اس سطح پر متحرک نہیں کرتی۔