لویر دیر
سیکریٹری محکمہ خوراک ظریف المانی صاحب اور ڈائریکٹر محکمہ خوراک محمد یاسر حسن کے احکامات کی روشنی میں رمضان المبارک کی بابرکت مہینہ میں عوام کو خوراک کی اشیاء سرکاری نرخ پر فروخت کو یقینی بنانے کے حوالے سے ڈپٹی کمشنر ضلع دیر پائین واصل خان خٹک کے زیرنگرانی اور ڈسٹرکٹ فوڈ کنٹرولر کاشف احسان کے زیرِ قیادت تیمرگرہ اڈا، ہسپتال روڈ تیمرگرہ اور بلامبٹ روڈ پر واقع مختلف جنرل سٹورز ، سویٹس اینڈ بیکرز اور غلہ مرچنٹ کے دوکانوں کو چیک کیا۔ سرکاری نرخنامہ آویزاں نہ کرنے، زائد المیعاد اشیاء فروخت کرنے اور سرکاری ریٹ سے تجاوز پرمتعلقہ دوکانداروں کے خلاف فوڈ ایکٹ کے تحت مراسلے جاری کئے گئے ۔ تمام دوکانداروں کو سختی سے ہدایات جاری کی گئی کہ وہ دوکانوں میں سرکاری نرخنامہ آویزاں کریں اور عوام کو سرکاری نرخ پر اشیاء خوردنوش کی فراہمی یقینی بنائیں، بصورت ان کے خلاف سخت کاروائی عمل میں لائی جائے گی۔