سوات اور گردونواح میں دو بار زلزلے کے جھٹکے محسوس کیے گئے

سوات (بیورو رپورٹ) سوات اور گردونواح میں ایک ہی روز میں دو بار زلزلے کے جھٹکے محسوس کیے گئے۔ زلزلہ پیما مرکز کے مطابق پہلی بار رات ایک بج کر 27 منٹ پر زلزلہ آیا، جس کی شدت ریکٹر اسکیل پر 5.0 ریکارڈ کی گئی جبکہ زلزلے کی گہرائی 224 کلومیٹر اور مرکز ہندوکش ریجن میں تھا۔ دوسری بار صبح 8 بج کر 54 منٹ پر زلزلے کے جھٹکے محسوس کیے گئے، جس کی شدت 3.0، گہرائی 13 کلومیٹر ریکارڈ کی گئی جبکہ اس کا مرکز کالام سے 20 کلومیٹر شمال مشرق میں تھا۔ دونوں زلزلوں کے جھٹکے سوات اور ملحقہ علاقوں میں محسوس کیے گئے تاہم فوری طور پر کسی جانی یا مالی نقصان کی اطلاع نہیں ملی۔