پاکستان

سوات میں غیر قانونی گاڑیوں کی اسمبلنگ کے 9 گودام سیل

نومبر 19, 2026 • Press Release

سوات (بیورو رپورٹ) ڈپٹی کمشنر سوات عدنان ابرار کی ہدایات پر ایڈیشنل اسسٹنٹ کمشنر-II بابوزئی بریخنا حبیب نے اینٹی کار لفٹنگ سیل کی ٹیم کے ہمراہ غیر قانونی گاڑیوں کی تیاری اور اسمبلنگ کے خلاف کارروائی کرتے ہوئے 9 گودام سیل کر دیے۔ کارروائی کے دوران چیسز نمبرز میں ردوبدل شدہ اور کٹ اینڈ ویلڈ طریقے سے تیار کی جانے والی گاڑیوں سے متعلق گوداموں کو بند کیا گیا۔ ضلعی انتظامیہ کے مطابق کارروائی کا مقصد گاڑیوں کی غیر قانونی تیاری، چیسز نمبرز میں جعل سازی اور غیر قانونی اسمبلنگ کی روک تھام ہے، جبکہ گاڑیوں کی شناخت میں جعل سازی اور غیر قانونی کاروباری سرگرمیوں کے سدباب کے لیے متعلقہ اداروں کے ساتھ مشترکہ کارروائیاں جاری رہیں گی۔