سوات(بیورورپورٹ)صوبائی وزیر لائیو سٹاک، فشریز و کوآپریٹیو فضل حکیم خان یوسفزئی کے زیر صدارت زیر تعمیر یونیورسٹی آف ویٹرنری اینڈ اینیمل سائنسز سوات کے حوالے سے اہم اجلاس ان کے دفتر پشاور میں منعقد ہوا اجلاس میں ممبر صوبائی اسمبلی سلطان روم، سیکرٹری لائیوسٹاک و فشریز فخر عالم، ڈائریکٹر جنرل لائیو سٹاک توسیع ڈاکٹر اصل خان اور دیگر متعلقہ افسران نے شرکت کی اس موقع پر متعلقہ افسران نے صوبائی وزیر فضل حکیم خان یوسفزئی کو یونیورسٹی پر اب تک کی پیش رفت اور فنڈز فراہمی سے متعلق بریفنگ دی گئی، بریفننگ میں فنڈز کی فراہمی سر فہرست تھی تاکہ فنڈز دستیابی پر تعمیرات کام کو تیزی سے جاری رکھا جا سکے بریفنگ میں بتایا گیا کہ 2022 کے فلڈ میں یونیورسٹی سائٹ کا کافی حصہ بھی سیلاب سے متاثر ہوا تھا جس کیلئے ڈپٹی کمشنر سوات کو بھی سیکشن فور کیلئے تفصیلات دئیے گئے ہیں اپنے خطاب میں صوبائی وزیر فضل حکیم خان یوسفزئی کا کہنا تھا کہ یونیورسٹی آف ویٹرنری اینڈ اینیمل سائنسز سوات کے جتنے بھی مسائل ہیں وزیراعلی خیبرپختونخوا سردار علی امین خان گنڈاپور کو آگاہ کرکے ترجیحی بنیادوں پر حل کردئیے جائیں گے صوبائی وزیر نے واضح کیا کہ اصل مقصد طلبا و طالبات کو جدید تعلیم و تحقیق کے مواقع فراہم کرنا ہے جس کے لیے تدریسی و تحقیقی سرگرمیوں کا اجراء ناگزیر ہے۔ انہوں نے یونیورسٹی کی مستقل عمارت کی تعمیر پر کام تیز کرنے کی ہدایت کی اور کہا ہے کہ حکومت اس مقصد کے لیے درکار وسائل کی فراہمی یقینی بنائے گی۔ صوبائی وزیر فضل حکیم خان یوسفزئی نے مذکورہ یونیورسٹی کے قیام کو اہم ضرورت قرار دیتے ہوئے کہا کہ یونیورسٹی آف ویٹرنری اینڈ اینمل سائنسز کے قیام سے نہ صرف اس شعبے میں دلچسپی لینے والے طلبا و طالبات کو معیاری تعلیم و تحقیق کی سہولت میسر آئے گی بلکہ یہ منصوبہ لائیوسٹاک اور دیگر متعلقہ شعبوں کی ترقی کیلئے بھی سنگ میل ثابت ہوگا۔
۔۔۔۔۔