وزیراعلی خیبر پختونخواہ عوامی ایجنڈا کے تحت ڈپٹی کمشنر دیر پائین جناب محمد عارف خان کے ھدایات کی روشنی میں زیر نگرانی ایڈیشنل ڈپٹی کمشنر جنرل دیرپائین جناب بشیر خان گورنمنٹ ھائی سکول حاجی اباد تحصیل بلامبٹ میں کھلی کچہری کا انعقاد ھوا۔
کھلی کچہری میں ، ایڈیشنل اسیسٹنٹ کمشنر ون جناب عبدالعزیزخان ڈسٹرکٹ ایڈمنیسٹریٹر افغان ریفیوجز جناب ہمایون خان اور تمام محکموں کے سربراہان نے شرکت کی۔
۔ کھلی کچہری میں تحصیل بلامبٹ کے مشران اور فلاحی تنظیموں کے نمائندہ گان ، سوشل ورکرز اور عوام نے شرکت کی۔
۔ بعض عوامی مسائل موقع پر موجود سرکاری محکموں کے سربراہان نے ریسپانڈ کیا۔
۔ کھلی کچہری میں علاقہ کے مشران نے صحت ، تعلیم ، پانی ، منشیات، تعلیمی اداروں میں ٹیچنگ سٹاف کی کمی، خالی اسامیوں کو پر کرنے ، خراب ٹیوب ویلز کی مرمت ، غیر معیاری خوراک / پاپڑ کے خلاف سخت ایکشن لینے ، اور بیلنگ ، غیراعلانیہ طویل لوڈشیڈنگ ، اور کئی عوامی مسائل کے حوالے سے اپنے شکایات محکموں کے سربراہان کے سامنے پیش کی۔
۔ اس موقع پر ایڈیشنل ڈپٹی کمشنر جنرل جناب بشیر خان نے وزیراعلیٰ خیبر پختونخواہ عوامی ایجنڈا کے مختلف ٹاسک پر تفصیل سے روشنی ڈالی۔
ایڈیشنل ڈپٹی کمشنر نے کہا کہ کھلی کچہری کا مقصد علاقے کے عوام اور سرکاری محکموں کے سربراہان کے درمیان کوارڈنیشن قائم کرنا اور ان کو اپنے مسائل کے حل کے لئے اسان فورم فراہم کرنا ہے۔
کئی مسائل میں عوامی سپورٹ انتہائی اہمیت رکھتی ہیں۔
کھلی کچہری کے دوران ایڈیشنل ڈپٹی کمشنر نے پولیو مہم میں محکمہ صحت کے ٹیموں کے ساتھ مکمل تعاون کرنے کی اپیل کی۔ علاقہ کے مشران نے پولیو مہم میں تعاون کرنےکی یقین دہانی کرادی۔ جس پر ایڈیشنل ڈپٹی کمشنر نے عوام کا شکریہ ادہ کیا۔
ایڈیشنل ڈپٹی کمشنردیر پائین جناب بشیرخان نے ضلعی انتظامیہ کے ساتھ تعلق رکھنے والے عوامی شکایات پر تفصیلی جوابات دئیے ۔
ایڈیشنل ڈپٹی کمشنر نے تمام محکمہ جات کے آفسران کو ہدایات جاری کئے کہ کھلی کچہری کے دوران عوامی شکایات پر جلد از جلد عمل درعمل یقینی بنائیں۔
اور کہا کہ منشیات فروشی میں ملوث افراد مقامی پولیس کو رپورٹ کریں اطلاع دینے والے کا نام صیغہ راز میں رکھا جائے گا۔ عوام کے بھر پور تعاون سے منشیات فروشوں کے خلاف فوری ایکشن لیا جائے گا۔ منشیات فروشی میں ملوث افراد کے خلاف سوشل بائیکاٹ کریں۔ ٹریفک منجمنٹ کو بہتر کرنے کے لئے اقدامات کررہے ھیں۔ مقامی سطح پر جرائیم کے خاتمے کیلئے علاقے کے مشران اپنا کردار ادا کریں۔ پولیس اور انتظامیہ کیساتھ تعاون کریں۔ اخر میں تحصیل بلامبٹ کے عوام نے حاجی اباد میں کھلی کچہری منعقد کرنے پر صوبائی حکومت اور ضلعی انتظامیہ کا شکریہ ادا کیا۔