سوات میں ایک ہفتے کے دوران 222 ایمرجنسیز، 222 افراد ریسکیو، 3 جاں بحق

سوات (بیورورپورٹ) ریسکیو 1122 سوات کی ہفتہ وار کارکردگی رپورٹ جاری کردی گئی۔ ترجمان ریسکیو 1122 سوات نیاز محمد کے مطابق ایک ہفتے کے دوران ریسکیو ٹیموں نے 222 ایمرجنسیز میں خدمات فراہم کیں، جن میں 186 میڈیکل کیسز، 24 ٹریفک حادثات، 4 فائر ایمرجنسیز، 7 دیگر و ریکوری کے واقعات جبکہ فائرنگ یا تشدد کا ایک واقعہ شامل ہے۔ مختلف واقعات میں 222 افراد کو ریسکیو کیا گیا جبکہ 3 افراد جانبر نہ ہوسکے۔ رپورٹ کے مطابق ریسکیو 1122 سوات کے کنٹرول روم کو مجموعی طور پر 4 ہزار 532 کالز موصول ہوئیں، جن میں 2 ہزار 255 معلوماتی، 2 ہزار 55 ڈراپ کالز اور 222 ایمرجنسی کالز شامل تھیں۔ ہیلتھ ایمرجنسیز کے دوران ریسکیو میڈیکل ٹیموں نے 121 مریضوں کو طبی امداد فراہم کرتے ہوئے ہسپتال منتقل کیا، جن میں 112 مریضوں کو ضلع سوات کے مختلف ہسپتالوں جبکہ 9 مریضوں کو ضلع سے باہر منتقل کیا گیا۔ ترجمان کے مطابق ریسکیو 1122 سوات عوام کو بروقت اور پیشہ ورانہ ایمرجنسی خدمات کی فراہمی کے لیے ہر وقت متحرک ہے۔