لوئر چترال میں پولیس نے بھاری مقدار میں دیسی شراب، آئس افیون ، ہیروئین اور چرس نذر آتش کردی

سینئر سول جج (ایڈمن) سید فرقان مشوانی, ڈی۔ایس۔پی۔انوسٹی گیشن حضرت الدین اور ڈی۔ایس پی۔لیگل شیر محسن الملک کی موجودگی میں لوئر چترال میں مختلف مقدمات میں برآمد کی گئی منشیات تلف کردی گئی ۔

لوئر چترال کے مختلف تھانوں میں ایک سال کے دوران درج ہونے والے منشیات کے مقدمات میں 123 کلو گرام چرس, 800 گرام آئس, 700 گرام افیون ، 1200 گرام ہیروئین اور 153 لیٹر شراب روبرو عدالت کھلی مقام میں آگ لگا کر تلف کی گئی۔