گراں فروشی کے خلاف ضلعی انتظامیہ کا سخت ایکشن، دیر بالا میں متعدد پٹرول پمپ سیل

دیربالا(بیورو رپورٹ ) واڑی میں خلاف ورزی پر چار پٹرول پمپس کو ضلعی انتظامیہ نے ایڈیشنل ڈپٹی کمشنر دیر بالا ڈاکٹر صادق علی اور اسسٹنٹ کمشنر واڑی ڈاکٹر فواد احمد خان نے واڑی میں دوبارہ سیل کر دیا ہے۔
مذکورہ پٹرول پمپس کو پہلے بھی گران فروشی اور OGRA ریٹ خلاف ورزیوں پر سیل کیا گیا تھا، تاہم متعلقہ مالکان نے حکومتی احکامات کی خلاف ورزی کرتے ہوئے انہیں غیر قانونی طور پر ڈی سیل کر دیا تھا۔ اس اقدام پر ضلعی انتظامیہ نے فوری کارروائی کرتے ہوئے دوبارہ سیل کر دیااور ان پٹرول پمپس کے مینجرز کو جیل بھیج دیا گیا ۔
سیل کیے گئے پٹرول پمپس کی تفصیل درج ذیل ہے۔نایاب پٹرول پمپ، واڑی, پی ایس او پٹرول پمپ، واڑی , شیل پٹرول پمپ واڑی , لواری پٹرول پمپ واڑی
ضلعی انتظامیہ نے واضح کیا ہے کہ سرکاری احکامات کی خلاف ورزی اور غیر قانونی اقدامات کسی صورت برداشت نہیں کیے جائیں گے اور خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔