ٹیکنالوجی کمپنی میٹا کی بہن ایپلی کیشن واٹس ایپ صارفین کے لیے کئی نئے فیچرز کی آزمائش جاری رکھے ہوئے ہے۔ حال ہی میں انسٹنٹ میسجنگ ایپلی کیشن نے واٹس ایپ چینلز سے متعلق ایک اہم فیچر کی جانچ شروع کردی ہے۔
واٹس ایپ بیٹا کی معلومات کے مطابق میٹا واٹس ایپ چینلز میں ری ایکشن فیچر کو غیر فعال کرنے کے آپشن پر کام کر رہا ہے۔
کمپنی کے اس اقدام کو گوگل پلے اسٹور پر دستیاب واٹس ایپ بیٹا کے اینڈرائیڈ ورژن 2.24.4.17 میں نشان زد کیا گیا تھا۔
ویب سائٹ پر پیش کیے گئے اسکرین شاٹ کے مطابق، چینل کی سیٹنگز میں داخل ہونے کے بعد، صارف کے پاس تمام ری ایکشنز یا کچھ مخصوص ایموجیز یا کسی کو بھی اجازت دینے کا اختیار ہوگا۔