ثمر باغ(نمائندہ نوائے دیر ) لوئیردیر ثمرباغ میں ملک موحداللہ کے زیرقیادت متحدہ سواتی قوم ایسوسی ایشن کا اجلاس ہمارا قوم تب ترقی کرےگا جب اپس میں اتحاد ہو،مفتی موحداللہ سواتی
دیر ثمر باغ میں متحدہ سواتی قوم ایسوسی ایشن پاکستان کے زیر اہتمام مرکزی صدر ملک مفتی موحداللہ کی قیادت میں ایک اہم اجلاس منعقد ہوا جس میں سواتی قوم کے مشران نے شرکت کی، اجلاس حمید خان سواتی کے حجرے میں منعقد ہوا، جہاں سواتی قوم کے مختلف مشران، بزرگوں اور اہم شخصیات نے شرکت کی،شاہی سے وفد کی قیادت عمران اللہ خاکسار نے کی،ثمرباغ سے حمید سواتی جبکہ علی شیر کی وفد کا قیادت عبدالولی خان سواتی نے کی اجلاس کا مقصد سواتی قوم کی یکجہتی کو فروغ دینا اور آئندہ کے لائحہ عمل پر تفصیل سے غور و فکر کرنا تھا اجلاس سے متحدہ سواتی قوم ایسوسی ایشن پاکستان کے مرکزی صدر ملک مفتی موحداللہ سواتی نے خطاب کرتے ہوئے کہا کہ سواتی قوم کی یکجہتی کے بغیر اس کی ترقی کا خواب ممکن نہیں،اجلاس میں طے پانے والے لائحہ عمل کے ذریعے سواتی قوم کو ایک مضبوط اور متحد قوم کی شکل میں اُبھرنے کا موقع ملے گا، اگر قوم کے تمام افراد اپنے ذاتی مفادات کو بالائے طاق رکھتے ہوئے ایک مشترکہ مقصد کے لیے کام کریں، تو سواتی قوم کی ترقی میں رکاوٹیں خود بخود دور ہو جائیں گی،یقینی طور پر، سواتی قوم کی یکجہتی اس کے مستقبل کے لیے سنگ میل ثابت ہو سکتی ہے اور یہ اسے نہ صرف اپنے مسائل کے حل میں مدد دے گی بلکہ قوم کی طاقتور شناخت کو عالمی سطح پر تسلیم کرانے کا باعث بنے گی،یہ اجلاس ایک سنگ میل ثابت ہو سکتا ہے اگر سواتی قوم کے تمام افراد اس لائحہ عمل پر متحد ہو کر عمل کریں اور اپنی طاقت کو یکجا کر کے سواتی قوم کو ترقی کی راہ پر گامزن کریں.