کوٹ اتمان خیل میں آبپاشی کا نظام تباہی کا شکار
بٹ خیلہ ( نمائندہ خصوصی )دورافتادہ پہاڑی علاقہ کوٹ اتمان خیل میں آبپاشی کا نظام تباہی کا شکار ہوچکا ہے ، لفٹ ایرگیشن سکیم کے لئے نصب متعدد مشینیں خراب ہیں ، ایک سکیم سے محکمہ نے ٹراانسفار بھی ہٹا دیا ہے ، پانی جمع ہونے کے لئے موجود خٹو ڈیم ملبہ سے بھر چکا ہے ، جس کی وجہ سے لاکھوں ایکڑ زرعی اراضی کو پانی کی سپلائی بند ہے ، صورت حال اگر برقرار رہی تو مالکان اراضی سمیت مقامی کاشتکار شدید احتجاج پر مجبور ہونگے ان خیالات کا اظہار علاقہ کوٹ او رملحقہ دیہات کے کاشتکاروں نے میڈیا نمائندوں سے گفتگو کرتے ہوئے ، انہوں نے کہا کہ کوٹ ایرگیشن سکیم میں نصب دو مشینیں خراب ہے ماشمزئی اور کِرَڑہ سمیت مختلف علاقوں میں لفٹ ایریگیشن اسکیموں کی متعدد مشینیں کئی سال سے خراب پڑی ہیں، بجلی کے ٹرانسفارمر ناکارہ یا غائب ہیں جبکہ بارشوں کے باعث ڈیموں اور آبپاشی کے نالوں کو بھی نقصان پہنچا ہے اس صورتحال کے باعث ہزاروں کنال زرعی اراضی کو پانی کی فراہمی متاثر ہونے اور کھڑی فصلیں خشک ہونے کا خدشہ پیدا ہوگیا ہے، آبپاشی نالے بھی جگہ جگہ ٹوٹ پھوٹ کا شکار ہوکرپانی ضائع ہو رہی ہیں نوی کلی سے سروکانڑو نالے تک مختلف مقامات پر پانی کھڑا رہتا ہے، جس سے مقامی ابادی میں خطرناک بیماریاں پھیلنے کا بھی خدشہ ہے، خٹو ڈیم اور پلہ باٹو ڈیم سے منسلک ایریگیشن اسکیمیں بند پڑی ہے کسانوں کا کہنا ہے کہ گزشتہ تیرہ برسوں کے دوران محکمہ آبپاشی کی جانب سے ان اسکیموں کی بہتری اور بحالی کے لیے خاطر خواہ عملی کام نہیں کیا گیا اور زیادہ تر سرگرمیاں صرف کاغذی کارروائی تک محدود رہی انہوں نے کہا کہ وہ قرضے لے کر زمین تیار کرنے کے لیے بیج خریدکر فصلیں کاشت کرتے ہیں، لیکن آبپاشی کے لیے پانی دستیاب نہ ہونے کی وجہ سے ان کی محنت اور سرمایہ خطرے میں پڑ جاتا ہے۔ موجودہ صورتحال میں لاکھوں ایکڑ زرعی اراضی پر کھڑی فصلیں خشک ہونے کے خطرے سے دوچار ہیں اس لئے متعلقہ حکام کاشتکاروں کے حالت زار پر رحم کرے.
