ٹ خیلہ(نمائندہ خصوصی)تحصیل درگئی میں خدمتِ انسانیت کے عظیم جذبے کے تحت الخدمت فاؤنڈیشن ملاکنڈ کے زیرِ اہتمام ایک شاندار ڈونر کانفرنس اور چیئرٹی ڈنر کا انعقاد کیا گیا تقریب میں مخیر حضرات نے دل کھول کر عطیات پیش کیے اور الخدمت فاؤنڈیشن کی فلاحی خدمات پر بھرپور اعتماد کا اظہار کیا۔ تقریب سے صدر الخدمت فاؤنڈیشن خیبر پختونخوا شمالی فضل محمود، شہاب حسین امیر جماعتِ اسلامی ملاکنڈ، سیدبختیار معانی سابق ایم این اے ونائب امیر جماعتِ اسلامی خیبر پختونخوا شمالی، منیر خان، مدثر جہاں، پی کے وائنز، صدر الخدمت فاؤنڈیشن ضلع ملاکنڈ وقار احمد رشید سہیل احمد امیر جماعت اسلامی تحصیل درگئی ضلعی ہیلتھ کوارڈینیٹر حاجی محمد یونس انچارج ارفن پروگرام حاجی شیر عالم سمیت دیگر معزز مہمانوں اور ڈونرز نے خطاب کیا۔ اس موقع پر ملاکنڈ، درگئی کی سیاسی و سماجی شخصیات، صوبائی و ضلعی ذمہ داران اور رضاکاروں کی بڑی تعداد نے شرکت کی اور یتیم بچوں کی کفالت اور فلاحی سرگرمیوں کے عزم کو مزید مضبوط کیا۔ ضلع ملاکنڈ، تحصیل درگئی سخاکوٹ میں منعقدہ اس ڈونر کانفرنس کے موقع پر اہلِ ملاکنڈ، درگئی نے الخدمت فاؤنڈیشن ملاکنڈ، درگئی کے فلاحی منصوبوں، یتیم بچوں کی کفالت اور دیگر انسانی خدمت کے کاموں کے لیے 66 لاکھ روپے سے زائد عطیات پیش کر کے ایثار و سخاوت کی شاندار مثال قائم کی آئیے! ہم سب مل کر خدمتِ انسانیت کے اس عظیم مشن کو آگے بڑھائیں اور مستحقین کی امید بنیں۔