سوات کے 19 اے ایس آئیز کو سب انسپکٹر کے عہدے پر ترقی دے دی گئی

سوات (بیورورپورٹ) ریجنل پولیس آفیسر ملاکنڈ کے دفتر سے جاری اعلامیے کے مطابق سوات پولیس کے 19 جبکہ ملاکنڈ ڈویژن کے مختلف یونٹس میں فرائض انجام دینے والے مجموعی طور پر 118 اسسٹنٹ سب انسپکٹرز کو سب انسپکٹر کے عہدے پر ترقی دے دی گئی۔ اس سلسلے میں ڈی پی او آفس سوات میں ترقی پانے والے افسران کے اعزاز میں تقریب منعقد ہوئی، جہاں ڈسٹرکٹ پولیس آفیسر سوات محمد عمر خان اور ایس پی آپریشن سوات غلام صادق خان نے ضلع سوات کے مختلف یونٹس میں فرائض انجام دینے والے 18 افسران کو سب انسپکٹر کے رینک لگائے۔ ترقی پانے والوں میں سید علی خان، اسرار سید، محمد الیاس، بشیر احمد، نعیم اللہ، عثمان علی، سہراب خان، وقار علی، منیر احمد، گوہر رحمان، محمد داؤد، انور سعادات، فضل ودود، نثار احمد، انور خان، فرمان اللہ، اصغر خان اور شیر عالم شامل ہیں۔ اس موقع پر ڈی پی او محمد عمر خان نے ترقی پانے والے افسران کو مبارکباد دیتے ہوئے کہا کہ محکمانہ ترقی ہر پولیس افسر کے کیریئر کا اہم حصہ اور ذمہ داریوں میں اضافے کی عکاس ہوتی ہے، اس لیے ترقی پانے والے افسران مزید محنت اور لگن سے فرائض انجام دیں، شہریوں کی بے لوث خدمت، جان و مال کے تحفظ، نظم و ضبط اور عوام کے ساتھ بہترین رویے کو یقینی بنائیں۔
۔۔۔۔۔۔