سوات: سرسینئی میں خواجہ سراؤں کی محفل پر پولیس کا چھاپہ، متعدد تماشائی گرفتار

سوات(بیورورپورٹ) سوات کی تحصیل کبل کے علاقے سرسینئی میں مقامی تنظیم ’’روخانہ سرسینئی‘‘ کی نشاندہی پر پولیس نے خواجہ سراؤں کی محفل پر اچانک چھاپہ مار کر پروگرام شروع ہونے سے قبل ہی ختم کر دیا، پولیس نے کارروائی کے دوران محفل دیکھنے کے لیے جمع ہونے والے متعدد تماشائیوں کو موقع پر گرفتار کرلیا۔ مقامی تنظیم کے ضابطہ کار کے تحت غیر اخلاقی سرگرمیوں کی روک تھام کے لیے پولیس کے تعاون سے کارروائی کی گئی، جس پر مقامی لوگوں نے پولیس اور کمیٹی کے اقدام کو سراہا۔ ذرائع کے مطابق گرفتار افراد کو بدھ کی صبح مقامی عدالت میں پیش کیا گیا۔
۔۔۔۔