ڈپٹی کمشنر سوات کی زیرِ صدارت ضلعی سٹیئرنگ کمیٹی برائے رائٹ ٹو پبلک سروسز کمیشن کا اجلاس

سوات(بیورورپورٹ)پٹی کمشنر سوات سلیم جان مروت کی زیرِ صدارت ضلعی سٹیئرنگ کمیٹی برائے رائٹ ٹو پبلک سروسز کمیشن کا اجلاس منعقد ہوا۔ اجلاس میں رائٹ ٹو پبلک سروسز ایکٹ 2014 کے مؤثر نفاذ، عوامی خدمات کی شفاف، معیاری اور بروقت فراہمی، محکموں کے مابین رابطہ کاری اور ڈیٹا رپورٹنگ کے طریق کار کا جائزہ لیا گیا۔ ایکٹ کی دفعہ 9 کے تحت نوٹیفائیڈ عوامی خدمات کی نمایاں مقامات پر تشہیر بھی اجلاس کے ایجنڈے میں شامل تھی۔اجلاس میں ایڈیشنل ڈپٹی کمشنر (فنانس اینڈ پلاننگ) سوات سید نعمان علی شاہ، ڈسٹرکٹ مانیٹرنگ آفیسر(رائٹ ٹو پبلک سروسز کمیشن) داؤد خان، ڈپٹی ڈائریکٹر ڈیٹابیس لینڈ ریکارڈز کمپیوٹرائزیشن سوات شہاب جان، محکمہ پولیس، محکمہ تعلیم، لوکل گورنمنٹ، ڈبلیو ایس ایس سی، محکمہ ایکسائز اینڈ ٹیکسیشن اور دیگر متعلقہ محکموں کے نمائندگان نے شرکت کی۔ تمام اسسٹنٹ کمشنرز ویڈیو لنک کے ذریعے اجلاس میں شریک ہوئے۔ڈسٹرکٹ مانیٹرنگ آفیسرداؤد خان نے اجلاس کو رائٹ ٹو پبلک سروسز ایکٹ 2014 کی اہم شقوں، نوٹیفائیڈ خدمات اور عمل درآمد سے متعلق امور پر بریفنگ دی۔ڈپٹی کمشنر سوات نے متعلقہ محکموں کو ہدایت کی کہ نوٹیفائیڈ عوامی خدمات کی فہرستیں اپنے دفاتر میں نمایاں اور عوام کی آسان رسائی کے مقامات پر آویزاں کی جائیں، خدمات سے متعلق مطلوبہ ڈیٹا بروقت آر ٹی ایس کمیشن اور ڈی ایم او دفتر کو فراہم کیا جائے، اور متعلقہ ملازمین کی ایکٹ، نوٹیفائیڈ خدمات اور مقررہ اوقاتِ کار سے متعلق استعدادکار بڑھانے کے لیے تربیتی نشستوں کا انعقاد کیا جائے۔انہوں نے اسسٹنٹ کمشنرز اور متعلقہ محکموں کو سب ڈویژنل اسٹیئرنگ کمیٹیوں کے اجلاس باقاعدگی سے منعقد کرنے اور عوامی خدمات کی مؤثر فراہمی کے لیے باہمی رابطہ کاری اور عمل درآمد یقینی بنانے کی بھی ہدایت کی۔
۔۔۔۔۔۔۔۔۔۔۔۔۔۔۔۔۔۔