ڈی پی او سوات کا پولیس لائنز کبل کا دورہ، سرکاری املاک کا تفصیلی جائزہ

سوات (بیورو رپورٹ) ڈی پی او سوات محمد عمر خان نے جاوید اقبال شہید پولیس لائن کبل کا دورہ کیا، جہاں انہوں نے کوت اسلحہ، میس ہال، روزنامچہ، ایم ٹی سیکشن سمیت تمام شعبہ جات کا تفصیلی جائزہ لیا اور ایم ٹی میں موجود سرکاری گاڑیوں کا بھی معائنہ کیا۔ اس موقع پر ایس پی ہیڈکوارٹر عطاء اللہ شمس نے ڈی پی او سوات کو پولیس لائن کی سیکیورٹی اور دیگر سرکاری املاک کے حوالے سے تفصیلی بریفنگ دی۔ ڈی پی او سوات نے تمام شعبہ جات کے انچارجان کو سرکاری سازوسامان کی حفاظت یقینی بنانے اور متعلقہ شعبوں میں آنے والے پولیس اہلکاروں کے ساتھ خوش اخلاقی سے پیش آنے کی ہدایات جاری کیں۔ دورے کے دوران ڈی پی او سوات نے ایس پی ہیڈکوارٹر کے ہمراہ بہترین فرائض سرانجام دینے والے پولیس اہلکاروں میں توصیفی اسناد بھی تقسیم کیں۔
۔۔۔۔