سوات: تحصیل بریکوٹ میں دریائے سوات میں غیر قانونی مائننگ کے خلاف کارروائی
سوات (بیورورپورٹ)سوات کی تحصیل بریکوٹ میں اسسٹنٹ کمشنر بریکوٹ شوانہ حلیم کی نگرانی میں دریائے سوات میں غیر قانونی مائننگ کے خلاف کارروائی کرتے ہوئے مائننگ میں استعمال ہونے والی 5 گاڑیاں اور ایک ایکسکیویٹر پکڑ کر تحویل میں لے لیا گیا۔ ضلعی انتظامیہ کے مطابق دریائے سوات میں غیر قانونی کھدائی نہ صرف قدرتی ماحول کو متاثر کرتی ہے بلکہ دریا کے قدرتی بہاؤ کے لیے بھی خطرات پیدا کر سکتی ہے، اس لیے ایسی سرگرمیوں کی روک تھام اور دریائی حدود کے تحفظ کے لیے کارروائیاں جاری رکھی جائیں گی۔