آئندہ سال آئی سی سی ٹی 20 ورلڈ کپ میں پاک بھارت میچ نیویارک میں کرانے پر اتفاق ہو گیا ہے۔
برطانوی اخبار کے مطابق آئی سی سی اور آرگنائزنگ کمیٹی کے درمیان پاک بھارت میچ کے حوالے سے معاہدہ طے پا گیا ہے۔
آئزن ہاور اسٹیڈیم نیویارک سے 25 کلومیٹر کے فاصلے پر لانگ آئی لینڈ میں واقع ہے۔
اطلاعات کے مطابق پاک بھارت میچ کے لیے اسٹیڈیم میں 34 ہزار شائقین موجود ہوں گے۔
ذرائع کے مطابق امریکی شہر فلوریڈا اور ٹیکساس بھی ورلڈ کپ مقابلوں کی میزبانی کریں گے جب کہ بارباڈوس ٹی ٹوئنٹی ورلڈ کپ کے فائنل کی میزبانی کرے گا۔
برطانوی اخبار کے مطابق آج دبئی میں ہونے والے آئی سی سی اجلاس میں پروگرام کو حتمی شکل دیے جانے کا امکان ہے۔
یاد رہے کہ آئی سی سی ٹی ٹی 20 ورلڈ کپ 2024 کے مشترکہ میزبان امریکا اور ویسٹ انڈیز ہیں۔