واشنگٹن: امریکی محکمہ خارجہ کے ترجمان نے کہا ہے کہ پاکستان میں انتخابات اور جمہوری نظام کی حمایت جاری رکھیں گے۔
بین الاقوامی خبر رساں ادارے کے مطابق امریکی محکمہ خارجہ کے نائب ترجمان ویدانت پٹیل نے ہفتہ وار پریس بریفنگ میں ایک سوال کے جواب میں پاکستان میں جمہوریت اور آزاد میڈیا کے فروغ کی اہمیت پر زور دیا۔
ترجمان ویدانت پٹیل نے مزید کہا کہ پاکستان کی مستقبل کی قیادت کا انحصار اس بات پر ہے کہ عوام کس کو اپنا لیڈر منتخب کرتے ہیں۔
امریکہ شفاف اور آزاد جمہوری عمل کا حامی ہے۔
میڈیا پر پابندیوں سے متعلق ایک سوال کے جواب میں امریکی ترجمان نے کہا کہ اس میں کوئی شک نہیں کہ صحت مند جمہوریتوں میں آزاد اور خودمختار میڈیا اس بات کو یقینی بناتا ہے کہ ووٹر اپنے لیے ووٹ دیں۔
ووٹنگ کے حقوق اور حکومت کو جوابدہ رکھنے کے بارے میں آگاہ رہیں۔
امریکی محکمہ خارجہ کے ترجمان ویدانت پٹیل نے پاکستان میں آزادی اظہار، انجمن اور پریس پر پابندیوں کی نشاندہی کرنے والی رپورٹس پر تشویش کا اظہار کیا۔