واشنگٹن: امریکا نے کہا ہے کہ پاکستان میں عام انتخابات میں دھاندلی کے دعوؤں کی مکمل تحقیقات کی ضرورت ہے۔
امریکی محکمہ خارجہ کے ترجمان میتھیو ملر نے میڈیا بریفنگ میں کہا کہ پاکستان کا قانونی نظام انتخابی دھاندلی کے الزامات کی تحقیقات کے لیے پہلا اور درست قدم ہوگا۔ یہ کارروائی کی جائے اور ضرورت پڑنے پر مزید تحقیقات بھی کی جائیں۔
ترجمان نے مزید کہا کہ وہ انتخابی دھاندلی کے الزامات کی مکمل تحقیقات دیکھنا چاہتے ہیں اور اس کا جائزہ لیتے رہیں گے۔
انہوں نے کہا کہ ہم بے ضابطگیوں کی تحقیقات ہوتے دیکھنا چاہتے ہیں لیکن ہم جمہوری عمل کا بھی احترام کرتے ہیں۔ قانون کی حکمرانی، آئین کے احترام، آزاد پریس، اور ایک متحرک سول سوسائٹی کے احترام پر زور دیتا ہے۔
امریکی محکمہ خارجہ کے ترجمان نے مزید کہا کہ وہ انتخابات سے متعلق پرتشدد واقعات اور انٹرنیٹ اور موبائل سروسز پر پابندیوں کی مذمت کرتا ہے۔ ان اقدامات سے انتخابی عمل متاثر ہوا۔