ایڈیشنل ڈپٹی کمشنر (جنرل) دیر پائین واجد علی خان نے موسمِ بہار شجرکاری مہم 2026 کا باقاعدہ افتتاح دیر پائین کے سبزہ زار میں پودا لگا کر کیا۔
۔ ڈسٹرکٹ رجسٹریشن اینڈ پیسلیٹیشن آفیسر جناب مراد علی اور اسسٹنٹ ڈائریکٹر (این۔سی۔ایچ۔ڈی) جناب اشتیاق احمد ، جناب محمد اسد خان ، جناب نثار احمد ( انچارج منشیات عادی افراد) جناب جواد ذادہ (یونیسف) اور جناب سہیل خان نے بھی موسم بہار شجرکاری مہم کے تحت پودے لگائے۔
۔ اس موقع پر ایڈیشنل ڈپٹی کمشنر جناب واجد علی نے کہا کہ موسمیاتی تبدیلیوں سے نمٹنے، ماحولیاتی آلودگی پر قابو پانے اور آئندہ نسلوں کے لیے صحت مند ماحول کی فراہمی کے لیے شجرکاری نہایت ضروری ہے۔ انہوں نے کہا کہ درخت لگانا صدقہ جاریہ ہے اور ہر شہری کو چاہیے کہ وہ اس قومی مہم میں بھرپور حصہ لے۔
انہوں نے عوام الناس سے اپیل کی کہ کم از کم ایک درخت ضرور لگائیں اور اس کی دیکھ بھال کو اپنی ذمہ داری سمجھیں۔
مزید برآں انہوں نے کہا کہ شجرکاری مہم کے تحت تمام سرکاری اداروں، تعلیمی اداروں اور مقامی کمیونٹیز کو شامل کیا جائے گا تاکہ ضلع بھر میں وسیع پیمانے پر شجرکاری کو یقینی بنایا جا سکے۔ عوام اپنے اپنے علاقوں میں شجرکاری کو فروغ دیں اور ضلع دیر پائین کو سرسبز و شاداب بنانے میں بھرپور کردار ادا کریں۔