سوات میں ایک ہی روز دو نوجوانوں نے مبینہ طور پر خودکشی کرلی

سوات (بیورو رپورٹ) سوات میں ایک ہی روز دو مختلف واقعات میں دو نوجوانوں نے مبینہ طور پر خودکشی کرلی۔ پولیس کے مطابق مینگورہ کے محلہ بادشاہ صاحب چم میں نوجوان محب اللہ ولد بخت مند نے مبینہ طور پر خود کو گولی مار لی، جس کے نتیجے میں وہ شدید زخمی ہوگیا اور بعد ازاں زخموں کی تاب نہ لاتے ہوئے چل بسا۔ جس کی ہوس سیدوشریف اسپتال منتقل کردی گئی۔

دوسرے واقعے میں سیدو شریف کے نوجوان عامر خان ولد امیر رحمان نے مبینہ طور پر زہریلی دوا کھا لی، جس سے اس کی حالت غیر ہوگئی۔ اسے فوری طبی امداد کے لیے سیدو شریف ہسپتال منتقل کیا گیا تاہم وہ جانبر نہ ہوسکا۔ مینگورہ اور سیدو شریف پولیس نے ابتدائی رپورٹس درج کرکے دونوں واقعات کی مزید تحقیقات شروع کردی ہیں۔