ریجنل پولیس آفیسر ملاکنڈ زاہد نواز مروت سے ریجنل انفارمیشن آفیسر سوات خالد رحمان وزیرکی ملاقات

سوات(بیورورپورٹ)ریجنل پولیس آفیسر ملاکنڈ زاہد نواز مروت سے ریجنل انفارمیشن آفیسر سوات خالد رحمان وزیر نے ملاقات کی اور انہیں ریجنل پولیس آفیسر ملاکنڈ کا عہدہ سنبھالنے پر مبارکباد پیش کی۔ملاقات کے دوران باہمی دلچسپی کے امور، عوامی آگاہی، پولیس اور عوام کے درمیان اعتماد کے فروغ، جرائم کی روک تھام اور محکمہ اطلاعات و تعلقات عامہ اور پولیس کے درمیان باہمی تعاون کو مزید فروغ دینے کے حوالے سے تفصیلی تبادلہ خیال کیا گیا۔اس موقع پر ریجنل پولیس آفیسر ملاکنڈ زاہد نواز مروت نے کہا کہ پولیس اور محکمہ اطلاعات و تعلقات عامہ کے درمیان مؤثر رابطہ کاری وقت کی اہم ضرورت ہے تاکہ عوام کو پولیس کی کارکردگی، جرائم کے سدباب اور عوامی تحفظ کے لیے کیے جانے والے اقدامات سے بروقت آگاہ رکھا جا سکے۔انہوں نے کہا کہ پولیس کی مثبت سرگرمیوں کو اجاگر کرنے، عوام میں قانونی شعور بیدار کرنے اور پولیس و عوام کے درمیان اعتماد کی فضا کو مضبوط بنانے کے لیے محکمہ اطلاعات و تعلقات عامہ کے ساتھ قریبی رابطہ اور تعاون جاری رکھا جائے گا۔ریجنل انفارمیشن آفیسر سوات خالد رحمان وزیر نے اس موقع پر ریجنل پولیس آفیسر ملاکنڈ کو یقین دلایا کہ محکمہ اطلاعات و تعلقات عامہ پولیس کے ساتھ ہر ممکن تعاون جاری رکھے گا۔ انہوں نے کہا کہ عوامی آگاہی، پولیس کی مثبت کارکردگی اور عوامی تحفظ کے لیے کیے جانے والے اقدامات کی مؤثر تشہیر، جرائم کی روک تھام سے متعلق شعور اجاگر کرنے اور سرکاری معلومات کی بروقت و مستند ترسیل کے لیے محکمہ اطلاعات و تعلقات عامہ اپنا بھرپور کردار ادا کرتا رہے گا۔