کمشنر آفس کے رجب علی کی مدتِ ملازمت مکمل ہونے پر الوداعی تقریب

سوات(بیورورپورٹ)کمشنر ملاکنڈ ڈویژن مسعود احمد نے کمشنر آفس ملاکنڈ ڈویژن کے اسسٹنٹ رجب علی کی مدتِ ملازمت مکمل ہونے پر یادگاری شیلڈ پیش کی اور ان کی طویل عرصہ (تقریباً 39 سال) پر محیط محکمانہ خدمات کو سراہتے ہوئے انہیں خراجِ تحسین پیش کیا۔اس موقع پر کمشنر ملاکنڈ ڈویژن نے رجب علی کے لیے نیک خواہشات کا اظہار کرتے ہوئے کہا کہ سرکاری ملازمت سے ریٹائرمنٹ ایک نئے سفر کا آغاز ہے۔ انہوں نے دعا کی کہ اللہ تعالیٰ انہیں آئندہ زندگی میں صحت، خوشی اور کامیابی عطا فرمائے۔اس موقع پر کمشنر آفس ملاکنڈ ڈویژن کے افسران و اہلکاروں کی جانب سے رجب علی کے اعزاز میں ایک پروقار الوداعی تقریب کا اہتمام کیا گیا۔ تقریب کے دوران ان کی خدمات، خوش اخلاقی اور ساتھی ملازمین کے ساتھ حسنِ سلوک کو سراہا گیا اور ان کے لیے نیک تمناؤں کا اظہار کیا گیا۔افسران و اہلکاروں نے اس امید کا اظہار کیا کہ رجب علی اپنی ریٹائرمنٹ کے بعد بھی خوشگوار یادوں کے ساتھ ایک پُرسکون، صحت مند اور کامیاب زندگی بسر کریں گے۔
۔۔۔۔