زرعی یونیورسٹی پشاور کے وائس چانسلر ایمریٹس پروفیسر ڈاکٹر جہان بخت کی خصوصی ہدایت پر ڈائریکٹوریٹ آف کوالٹی ایشورنس (DQA) کے ڈائریکٹر ایسوسی ایٹ پروفیسر ڈاکٹر خُرم نواز سدوزئی نے یونیورسٹی شعبہ جات کے سربراہان اور فوکل پرسنز کے لئے "موثر کوالٹی ایشورنس اور ایکریڈیٹیشن باڈیز کا جائزہ لینے کے لیے خود تشخیصی دستاویز کی تیاری
Preparation of Self
Assessment Document for Review Effectiveness Quality Assurance & Accreditation Bodies
کے عنوان سے ایک روزہ تربیتی ورکشاپ کا انعقاد کیا۔
ڈائریکٹر کیو اے سی کی دعوت پر سابق ڈین زرعی یونیورسٹی پشاور و سوات پروفیسر (ر) ڈاکٹر فرمان اللہ ورکشاپ کے ریسورس پرسن تھے۔ اس موقع پر پروفیسر ڈاکٹر ادریس خٹک ڈائریکٹر آف ٹیچنگ ، پروفیسر ڈاکٹر محمد عظیم خان اور تمام ڈیپارٹمنٹس کے ایچ او ڈیز بھی موجود تھے۔
ورکشاپ کا مقصد چیئرپرسنز، ایچ او ڈیز اور ان کے متعلقہ فوکل پرسنز کو تعلیمی پروگراموں میں موثر کوالٹی ایشورنس اور ایکریڈیٹیشن کا جائزہ لینے کے لئے خود تشخیصی دستاویزات کی تیاری کے خود احتسابی عمل کے حوالے سے رہنمائی کرنا تھا جو کہ ہائرایجوکیشن کمیشن (ایچ ای سی) کی جانب سے کوالٹی ایشورنس کے اہم اجزأ میں سے ایک ہے۔
اس موقع پر کثیر تعداد میں چیئرپرسنز، ڈائریکٹرز ، ایچ او ڈیز اور فوکل پرسنز نے شرکت کی۔
ڈائریکٹر کوالٹی ایشورنس ڈاکٹرخرم نواز سدوزئی نے بتایا کہ اس قسم کی ورکشاپس بہت اہم ہوتی ہیں، یہ ورکشاپ یونیورسٹی کی ترقی میں مددگار ثابت ہوگی۔ انہوں نے ورکشاپ کو کامیاب بنانے میں شرکاء کی دلچسپی کو سراہا اور ریسورس پرسن اور شرکاء کا شکریہ بھی ادا کیا۔
آخر میں سوالات و جوابات کا سیشن ہوا اور شرکاء نے اس تربیتی ورکشاپ سےمستفیض ہوتے ہوئے اس کے انعقاد کی تعریف کی۔
کوالٹی ایشورنس ٹیم کے ایڈیشنل ڈائریکٹر محمد شاہد، ڈپٹی ڈائریکٹر محمد ریاض عادل، اسسٹنٹ ڈائریکٹر ڈاکٹر کامران نواز اور سپرنٹنڈنٹ ڈاکٹر وقاص نے ورکشاپ کے انعقاد کے سلسلے میں انتظامات کا اہتمام کیا۔