چین کے صوبے شانشی میں ایک عمارت میں آگ لگنے سے 26 افراد ہلاک جب کہ متعدد زخمی ہوگئے جنہیں اسپتال میں داخل کرایا گیا ہے۔ خبر رساں ایجنسی کے مطابق مقامی سرکاری میڈیا کا کہنا ہے کہ جمعرات کی صبح 6 بج کر 50 منٹ پر پرلونیانگ شہر کے لیشی ضلع میں یونگجو کول کمپنی کی عمارت کی چوتھی منزل پر آگ بھڑک اٹھی۔ ریسکیو ٹیموں نے درجنوں افراد کو محفوظ مقامات پر منتقل کیا جب کہ 63 افراد کو اسپتال منتقل کیا گیا، آگ لگنے سے اب تک 26 افراد جاں بحق ہو چکے ہیں۔ مقامی میڈیا کے مطابق علاقے میں ریسکیو آپریشن جاری ہے اور آگ لگنے کی وجہ جاننے کے لیے تحقیقات کی جا رہی ہیں۔ رواں سال اپریل میں بیجنگ میں آتشزدگی کے واقعے میں 29 افراد اپنی جانوں سے ہاتھ دھو بیٹھے تھے۔