اسلام آباد: قائم مقام وزیر آئی ٹی ڈاکٹر عمر سیف نے کہا ہے کہ اگر ہمارے تمام اقدامات تسلسل کے ساتھ رہیں تو اربوں ڈالر کا ریونیو حاصل کیا جا سکتا ہے۔
وزارت انفارمیشن ٹیکنالوجی کے اعلامیہ کے مطابق ان خیالات کا اظہار انہوں نے آئی ٹی ایسوسی ایشن (پاشا) کی تقریب سے خطاب کرتے ہوئے کیا۔
عمر سیف نے عام انتخابات میں تمام نو منتخب اراکین قومی و صوبائی اسمبلی کو مبارکباد دیتے ہوئے کہا کہ ملک و قوم کے معاشی استحکام کے لیے حکومت کا جلد از جلد قیام ضروری ہے۔ آئی ٹی وی ٹیلی کام سیکٹر پاکستان کی معیشت کی ریڑھ کی ہڈی بن چکا ہے۔
انہوں نے مزید کہا کہ ہماری پالیسیوں کی وجہ سے گزشتہ 60 دنوں میں آئی ٹی کی برآمدات میں 32 فیصد کا ریکارڈ اضافہ ہوا ہے۔
ڈاکٹر عمر سیف کو آئی ٹی کے شعبے میں شاندار خدمات پر خراج تحسین پیش کرتے ہوئے انہوں نے کہا کہ ڈاکٹر عمر سیف کے کام سے آئی ٹی سیکٹر کا اعتماد بحال ہوا اور برآمدات میں ریکارڈ اضافہ ہوا۔