لاہور: اداکارہ نوال سعید نے ساتھی اداکاراؤں کے ساتھ کام کرنے کے تجربے کو برا قرار دے دیا۔
نجی چینل کے پروگرام میں گفتگو کرتے ہوئے اداکارہ نوال سعید نے کہا کہ مرد فنکار عموماً خواتین فنکاروں کے مقابلے میں زیادہ تعاون کرنے والے اور خوش اخلاق ہوتے ہیں۔
انہوں نے کہا کہ کچھ خواتین اداکاراؤں کے ساتھ کام کرنے کا تجربہ برا رہا۔
جب میں نے شوبز میں کام کرنا شروع کیا تو مجھے کئی تلخ تجربات ہوئے۔
مجھے بتایا گیا کہ کچھ اداکاراؤں نے مشورہ دیا کہ مجھے ڈرامے کی کاسٹ سے نکال کر اس کی جگہ کسی اور کو لے لیا جائے۔
یہ سب کچھ پیشہ ورانہ حسد سے کیا جاتا ہے۔
ایک اداکارہ نے میک اپ آرٹسٹ سے یہاں تک پوچھا کہ کیا میں وگ پہنتی ہوں؟
نوال سعید نے مزید کہا کہ انٹرٹینمنٹ انڈسٹری میں چیلنجز کا سامنا کرنے کے باوجود انہوں نے ہمت نہیں ہاری اور بطور فنکار اور انسان خود کو بہتر بنانے کی کوشش کی اور کچھ نئے پروجیکٹس میں مثبت ماحول پایا۔