کراچی: عالمی اور مقامی صرافہ مارکیٹوں میں سونے کی قیمتوں میں کمی ریکارڈ کی گئی۔
بین الاقوامی بلین مارکیٹ میں فی اونس سونے کی قیمت 11 ڈالر کم ہوکر 2048 ڈالر ہوگئی۔
اسی دوران مقامی صرافہ مارکیٹوں میں پیر کو 24 قیراط سونے کی فی تولہ قیمت 1200 روپے کی کمی سے 214800 روپے جبکہ فی 10 گرام سونے کی قیمت 1029 روپے کمی سے 184156 روپے ہوگئی۔
سونے کی قیمتوں میں کمی کے برعکس ملک میں چاندی کی فی تولہ قیمت 26 روپے اور فی 10 گرام 2229.08 روپے پر برقرار رہی۔