وزارت صنعت و پیداوار ڈاکٹر گوہر اعجاز نے اعلان کیا ہے کہ اکتوبر کے مہینے کے دوران پاکستان کی برآمدات میں 13.5 فیصد اضافہ ہوا ہے۔ ڈاکٹر گوہر اعجاز نے اپنے بیان میں کہا کہ اکتوبر کے دوران پاکستان کی برآمدات 2.7 بلین امریکی ڈالر رہیں جبکہ اسی عرصے کے دوران زراعت اور خوراک کے شعبے میں 73 فیصد بہتری آئی ہے۔ انہوں نے کہا کہ مختلف شعبوں میں برآمدات تیزی سے بڑھ رہی ہیں، مینوفیکچرنگ اور انجینئرنگ کی برآمدات میں 11 فیصد جبکہ زرعی برآمدات میں 48 فیصد اضافہ ہوا ہے۔ گوہر اعجاز نے کہا کہ جولائی تا اکتوبر 2023 میں پاکستان کی برآمدات میں 0.7 فیصد اضافہ ہوا اور برآمدات بڑھ کر 9.6 بلین امریکی ڈالر تک پہنچ گئیں۔ درآمدات میں 18.5 فیصد کمی ہوئی جس سے تجارتی خسارہ 34 فیصد کم ہوا۔